“Fermer ayollar: ilm-fan, innovatsiya va agrooziq-ovqat tizimlari transformatsiyasi” mavzusidagi xalqaro forum yakunida tadbirni tashkil etish, uning mazmunli va yuqori saviyada o‘tkazilishiga munosib hissa qo‘shgan faol ishtirokchilarni rag‘batlantirish marosimi bo‘lib o‘tdi.
Mazkur forum qishloq xo‘jaligida xotin-qizlarning o‘rnini mustahkamlash, ularning bilim va tajribalarini keng targ‘ib qilish, ilm-fan hamda innovatsion yondashuvlarni rivojlantirish, shuningdek, agrar sohada o‘zaro tajriba almashish va hamkorlik aloqalarini kengaytirish uchun muhim muloqot maydoni bo‘ldi.
Forum doirasida fermer ayollarning tashabbuslarini qo‘llab-quvvatlash, agrooziq-ovqat tizimlarini takomillashtirish, oziq-ovqat xavfsizligini ta’minlash hamda qishloq xo‘jaligida zamonaviy texnologiyalar va ilg‘or tajribalarni keng joriy etish masalalariga alohida e’tibor qaratildi.
Tadbirni tashkil etish va o‘tkazish jarayonida faollik ko‘rsatgan, o‘z bilimi, mehnati, tashabbuskorligi va fidoyiligi bilan ajralib turgan ishtirokchilarning hissasi munosib e’tirof etildi. Rag‘batlantirish marosimi orqali ularning sa’y-harakatlariga yuksak baho berilib, samimiy minnatdorlik bildirildi.
Bunday e’tirof nafaqat ishtirokchilarning mehnatini qadrlash, balki kelgusida yangi loyihalar va tashabbuslarni amalga oshirish, hamkorlikni yanada mustahkamlash hamda agrar sohada xotin-qizlarning bilim, salohiyat va imkoniyatlarini ro‘yobga chiqarishga xizmat qiladi.
Xalqaro forum yakunlari agrar sohada xotin-qizlarning faolligini oshirish, ilg‘or tajribalarni ommalashtirish va barqaror rivojlanish yo‘lida yangi hamkorlik imkoniyatlarini kengaytirishda muhim ahamiyat kasb etadi.
