Hurmatli sohadagi olimlar, ustozlar va aziz hamkasblar!
Ona tilimiz — milliy o‘zligimiz, ma’naviyatimiz va bebaho merosimizning timsolidir. Uning boyligi va jozibasini asrab-avaylash, nufuzini oshirish hamda kelajak avlodlarga yetkazish har birimizning sharafli burchimizdir.
Paxta seleksiyasi, urug‘chiligi va yetishtirish agrotexnologiyalari ilmiy-tadqiqot instituti olimlari va ustozlari mamlakatimiz qishloq xo‘jaligi rivojiga ilm-fan yutuqlari orqali munosib hissa qo‘shib kelmoqdalar. Ilm-fan taraqqiyoti bilan bir qatorda, davlat tilimizning ilmiy izlanishlar, ta’lim va kasbiy faoliyatdagi o‘rnini mustahkamlash ham muhim ahamiyat kasb etadi.
Zero, ona tilimizda yaratilgan har bir ilmiy asar, e’lon qilingan har bir maqola va yosh avlodga berilgan har bir saboq tilimiz ravnaqi hamda ilmiy salohiyatimiz yuksalishiga xizmat qiladi.
Ushbu qutlug‘ sana munosabati bilan sohadagi barcha olimlar, hurmatli ustozlar va aziz hamkasblarimizni samimiy muborakbod etamiz!
Barchangizga mustahkam sog‘liq, oilaviy xotirjamlik, ilmiy faoliyatingizda ulkan yutuqlar va yangi kashfiyotlar tilaymiz. Ona tilimizning boyligi, sofligi va nufuzini asrash yo‘lidagi ezgu ishlaringiz bardavom bo‘lsin!
21-oktabr — O‘zbek tili bayrami muborak bo‘lsin!
