Avval xabar berganimizdek (https://t.me/AKIS_milliy_markaz/10914), Qishloq xo‘jaligida bilim va innovatsiyalar milliy markazi direktori, akademik Shodmon Namozov va Markaz direktorining ilniy ishlar va innovatsiyalar boyicha maslahatchisi Zabardast Bo’riyevllar boshchiligidagi delegatsiya shu kunlarda Xitoy Xalq Respublikasining Aksu shahrida bo‘lib o‘tayotgan “Bir kamar — bir yo‘l” tashabbusi doirasidagi» “Bir kamar — bir yo‘l biologik paxta seleksiyasi sammiti forumi”da ishtirok etmoqda.

Forum O‘zbekiston delegatsiyasi uchun samarali kechmoqda. Jumladan, Qishloq xo‘jaligida bilim va innovatsiyalar milliy markazi hamda Xinjiang Jinfengyuan Seed Industry Co. Ltd. kompaniyasi o‘rtasida qishloq xo‘jaligi ekinlari seleksiyasi va urug‘chiligi, yuqori hosil beradigan ekinlar yetishtirishda ilg‘or va suv tejamkor, aqliy agrotexnologiyalardan foydalanish, o‘simliklarni kasallik va zararkunandalardan samarali himoya qilish usullarini joriy etish, qishloq xo‘jaligi mahsulotlarini qayta ishlash texnologiyalarini rivojlantirish hamda suvda eriydigan o‘g‘itlardan samarali foydalanish yo‘nalishlarida hamkorlikka oid kelishuvga erishildi.

Shuningdek, kelishuvga ko‘ra, ilmiy tadqiqot loyihalarini hamkorlikda amalga oshirish, mutaxassislar malakasini oshirish va tajribali ekspertlar ishtirokida fermerlar uchun zamonaviy agrotexnologiyalar bo‘yicha o‘quv-seminarlar tashkil etish rejalashtirilgan.

Ushbu hamkorlik qishloq xo‘jaligida ilm, innovatsiya va amaliyotni uyg‘unlashtirish, fermer xo‘jaliklari samaradorligini oshirish hamda tarmoqda barqaror rivojlanishni ta’minlashga xizmat qiladi.

Сообщение “Bir kamar — bir yo‘l” tashabbusi doirasida paxtachilikda yangi bosqichdagi hamkorlik yo‘lga qo‘yilmoqda появились сначала на Paxta seleksiyasi, urug‘chiligi va yetishtirish agrotexnologiyalari ilmiy-tadqiqot instituti.

Unda Qishloq xo‘jaligida bilim va innovatsiyalar milliy markazi direktori Shodmon Namozov hamda Urug’chilikni rivojlantirish markazi direktori Shuhrat Otajonovlar ishtirok etdi. (https://t.me/URUGCHILIKNI/3859)

Сообщение O‘zbekiston va Xitoy: Sirdaryoda urug‘likni qayta ishlash zavodi tashkil etishga start berildi появились сначала на Paxta seleksiyasi, urug‘chiligi va yetishtirish agrotexnologiyalari ilmiy-tadqiqot instituti.

Qishloq xo‘jaligida bilim va innovatsiyalar milliy markazi tizimidagi Paxta seleksiyasi, urug‘chiligi va yetishtirish agrotexnologiyalari ilmiy-tadqiqot instituti mamlakatimiz qishloq xo‘jaligi, xususan paxtachilik sohasida ilmiy poydevorga ega yetakchi muassasalardan biri hisoblanadi. Aynan shu institutda bugungi kunga qadar to‘rt yuzdan ortiq g‘o‘za navlari yaratilgan bo‘lib, yuzdan ortiq navlar ommaviy ekishga tavsiya etilgan. Hozirgi vaqtda yurtimiz bo‘ylab paxta ekilayotgan maydonlarning qariyb 70 foizida institut tomonidan yaratilgan 30 ta g‘o‘za navlari yetishtirilmoqda. Bu esa institut ilmiy jamoasining ko‘p yillik izlanishlari va fidokorona mehnatlari samarasi ekanidan dalolat beradi.

Bugun ushbu ilmiy dargohda bo‘lib o‘tgan kengaytirilgan yig‘ilishda institut faoliyati har tomonlama tahlil qilinib, so‘nggi yillarda erishilgan yutuqlar yana bir bor e’tirof etildi. Yig‘ilishni kirish so‘zi bilan ochgan Qishloq xo‘jaligi vaziri o‘rinbosari Alisher Shukurov institut salohiyatiga yuksak baho berar ekan, quyidagilarni ta’kidladi: “Mazkur institut – paxtachilik sohasining yuragi. Yillar davomida yaratilgan g‘o‘za navlari, ularning dalalarda sinovdan o‘tkazilishi va amaliyotga tatbiq etilishi institut jamoasining mashaqqatli va izchil mehnatlari evaziga ro‘yobga chiqqan. Har bir nav – bu o‘n-o‘n besh yillik ilmiy izlanishlar, amaliy tajribalar va zamonaviy yondashuvlar natijasidir. Oldimizda esa yangi bosqich turibdi: innovatsion uslublarni keng joriy etish, raqamli texnologiyalarni tatbiq qilish, tuproq-iqlim sharoitlariga mos seleksiya ishlarini kuchaytirish orqali paxtachilikni yangi bosqichga olib chiqishimiz zarur. Vazirlik tomonidan ilmiy muassasalarni qo‘llab-quvvatlash, zamonaviy asbob-uskunalar bilan ta’minlash va tadqiqotlar samaradorligini oshirish doimiy e’tiborda bo‘ladi.”

Yig‘ilish davomida institut rahbariyatidagi o‘zgarishlar munosabati bilan tashkiliy masala ham ko‘rib chiqildi. Institut direktori lavozimida samarali faoliyat yuritib kelgan akademik Namozov Shadman Ergashovich Qishloq xo‘jaligida bilim va innovatsiyalar milliy markazi direktori lavozimiga tayinlangani bois Qishloq xo‘jaligi vazirining tegishli buyrug‘iga asosan, institut direktori lavozimiga Toshkent davlat agrar universiteti qishloq xo‘jaligi ekinlari seleksiyasi va urug‘chiligi kafedrasi professori Raxmankulov Murod Said-Akbarovich tayinlandi.

Yig‘ilish yakunida institut ilmiy jamoasi vakillari so‘zga chiqib, Shadman Namozovning rahbarligida erishilgan yutuqlarni e’tirof etib, unga yangi lavozimdagi faoliyatida muvaffaqiyat tiladilar. Shuningdek, yangi direktor Murod Raxmankulovga ham ilmiy jamoa bilan hamkorlikda yanada yuksak marralarni zabt etishda omad va zafarlar tilandi.

Сообщение Ilmiy yutuqlar e’tirof etilib, yangi vazifalar belgilandi появились сначала на Paxta seleksiyasi, urug‘chiligi va yetishtirish agrotexnologiyalari ilmiy-tadqiqot instituti.

Ayni daqiqalarda Qishloq xo‘jaligida bilim va innovatsiyalar milliy markazi direktori Shodmon Namozov hamda direktor o‘rinbosari Bunyod Mamarahimov Toshkent viloyatining Bekobod tumanida g‘o‘za parvarishi ishlari bilan joyida o‘rganish asosida tanishmoqdalar.

Ushbu amaliy tadbir Qishloq xo‘jaligi vaziri Ibrohim Abdurahmonov tomonidan berilgan topshiriqlarga muvofiq, kechiktirib bo‘lmaydigan ustuvor vazifalarni amalga oshirish maqsadida tashkil etilgan.
Mazkur vazifalar qatorida paxtachilikni zamonaviy agrotexnologiyalar asosida tashkil etish, hosildorlikni oshirish, ilm va amaliyot uyg‘unligini ta’minlashga alohida e’tibor qaratilmoqda.

Joyida o‘rganish jarayonida Paxta seleksiyasi, urug‘chiligi va yetishtirish agrotexnologiyalari ilmiy-tadqiqot institutining yetakchi olimlari ishtirokida g‘o‘za nihollarini parvarishlash, agrotexnik tadbirlarni to‘g‘ri tashkil etish, shuningdek, paxta yetishtirishda Shinjon texnologiyasini joriy etish bo‘yicha mahalliy fermerlarga ilmiy asoslangan tavsiyalar berilmoqda.

Olimlar fermerlarga g‘o‘za nihollarini oziqlantirish, sug‘orish tadbirlarida e’tiborga olish lozim bo‘lgan omillar to‘g‘risida ham batafsil ma’lumot bermoqdalar.
Bu orqali amaliy ko‘nikmalar mustahkamlanib, yer va suv resurslaridan samarali foydalanish imkoniyatlari yanada oshmoqda.

Bunday muloqotlar sohadagi muammolarni joyida aniqlash va ularning ilmiy echimlarini ishlab chiqish, shuningdek, Qishloq xo‘jaligini transformatsiya qilishda muhim bosqich hisoblanadi.

Сообщение Qishloq xo‘jaligida ustuvor vazifalar ijrosi doirasida Bekobod tumanida amaliy tadbirlar olib borilmoqda появились сначала на Paxta seleksiyasi, urug‘chiligi va yetishtirish agrotexnologiyalari ilmiy-tadqiqot instituti.

Xabaringiz bor, shu kunlarda poytaxtimizda, “VIII Butunjahon paxta tadqiqot konferensiya»si bo’lib o’tyapti.
Biroz oldin konferensiya doirasida Milliy markaz tizimidagi Paxta seleksiyasi, urug’chiligi va yetishtirish texnologiyalari ilmiy-tadqiqot instituti va Hindistonning “Nath Bio — Genes” kompaniyasi o’rtasida mahalliy navlarga “BT” genini o’tkazish bo’yicha memorandum imzolangani to’g’risida xabar bergan edik. Bu haqda institut direktori, akademik Shodmon Namozov intervyu berdi.

Сообщение “VIII Butunjahon paxta tadqiqot konferensiya»si bo’lib o’tyapti. появились сначала на Paxta seleksiyasi, urug‘chiligi va yetishtirish agrotexnologiyalari ilmiy-tadqiqot instituti.

Сообщение Paxta seleksiyasi, urug‘chiligi va yetishtirish agrotexnologiyalari ilmiy-tadqiqot instituti появились сначала на Paxta seleksiyasi, urug‘chiligi va yetishtirish agrotexnologiyalari ilmiy-tadqiqot instituti.